කිරම රතනජෝති හිමියෝ අධි සිල් ලබති
 බොරලැස්ගමුව ශ්‍රී රත්නාරාමාධිපති ඕකේවෙල වජිරවංශ හිමියන්ගේ ශිෂ්‍ය
නුගේගොඩ සුභද්‍රාරාම විද්‍යායතන පිරිවෙනේ අධ්‍යාපනය ලබන කිරම රතනජෝති
හිමියන් මෙම 16 වන දා ශ්‍රී ලංකා රාමඤ්ඤ මහා නිකායේ 67 වන උපසම්පදා
විනය කර්ම පුණ්‍ය මහෝත්සවයේදී අනුරාධපුර මල්වතුඔය උදකුක්ඛෙප සීමාමාලකයේ
දී අධිසිල් ලැබීමට නියමිතය. ඒ හිමියන් කිරම පදිංචි ප්‍රේමචන්ද්‍ර
වීරසිංහ සහ ගුනේන්ද්‍ර විජේනායක දම්පතීන්ගේ පුත්‍රරත්නය වේ. උන්වහන්සේ
මෙම 24 වන දා බොරලැස්ගමු රතනාරාමයට, පෙරහරෙන් වැඩම කැරෙන අතර මංගල දම්
දෙසුම එදින රාත්‍රී 7 ට පැවැත්වේ. |
