[UNICODE]

ශ‍්‍රී බුද්ධ වර්ෂ 2551 ක් වූ බක් අමාවක පොහෝ දින රාජ්‍ය වර්ෂ 2008 ක් වූ මැයි මස 05 වැනිදා සඳුදා

කඩුවෙල කොරතොට රජ මහා විහාරයේ ඇති ලෙන් ලිපි ක්‍රි.පූ. තුන්වැනි සියවසේ සිට ක්‍රි.ව. දෙවන ශත වර්ෂය දක්වා වකවානුවකට අයත් යැයි මහාචාර්ය පරණවිතානගේ මතය වේ. සීතාවක රාජසිංහ රජතුමා (ක්‍රි.ව. 1581 – 1592 ) පෘතුගීසීන් හා කළ සටනේ දී ඔත්තු බැලීමට හා කඳවුරු බැඳ සිටීමට මෙහි ලෙන් සහ කඳු ප්‍රදේශය සහිත ස්ථානය තෝරාගත් බවට රාජාවලියේ එන සටහන් වලින් සනාථ වේ. ඡායාරූපයෙන් දැක්වෙන්නේ එම විහාරස්ථානයේ චෛත්‍ය රාජයාණන් වහන්සේ සහිත දසුනකි.
ඡායාරූපය - ජනක වෙත්තසිංහ

ඉමදූව අන්දුගොඩ පුරාණ විහාරය

පුරා වසර 300 ක පමණ ඉතිහාසයක් ඇති ඉමදූව අන්දුගොඩ පුරාණ විහාරස්ථානය සිතගත සමාධිගත සුවයට ළඟ කරනා පහන් බිමකි. සියම් මහා නිකායේ මල්වතු පාර්ශවයට අයත් මෙම විහාරය 1740 දී පමණ ප්‍රාදේශීය රජ කෙනෙකු විසින් ස්ථාපිත කර ඇති බව ඉතිහාසයේ සඳහන්ව තිබේ. ඓතිහාසික සාධක බොහොමයකට හිමිකම් කියන මෙම විහාරස්ථානයේ දාගැබ, ප්‍රතිමාඝරය, බෝධිය, දේවාලය පුරාතන ප්‍රතිමා පැරණි චිත්‍රවලින් ද සමන්විත ය. එම සිතුවම්, ප්‍රතිමා නුවර යුගයේ කලාවට නෑකම් කියන බවක් පෙනේ. ඒවා සමහරක් කාල විපත් වලට හසුව මැකී යමින් පවතින ස්වරූපයක් දැක ගත හැක. කළු ගලින් බැඳි ඝන්ඨා කුළුණද, විහාරයට මහා ප්‍රෞඪ බවක් එක්කරල යි.

ඉතිරිය»