සැනසුම වේවා
බෝ හිමි පිටිහියේ මහමෙව්නා උයනේ
රන්මැලි මහසෑය අනුරාපුරය වුනේ
නරනිඳු දුටුගැමුණු ඒ මහ සෑය කළේ
රැස් කිරණින් බැබළෙනවා සෑම කලේ
මිහිඳු සමිඳු වැඩ මිස්සක පව්ව වෙත
පෑතිස් නිරිදු දඩකෙළියේ තනිව වැද
දුනු දිය අදින කල දිවයන මුවකු වෙත
දම් හඬ ඇසුණි පව්වෙන් ලෝ අඳුර බිඳ
සඟමිත් රහත් මෙහෙණින් බෝ වැඩමෙව්වා
පෑතිස් නිරිඳු ජයමහ බෝ පිහිටෙව්වා
ඒ බව බෝධි වංශය අපහට කිව්වා
ජය බෝ සමිඳු පිහිටෙන් සැනසුම වේවා
විමලසේන හෙට්ටිආරච්චි
අස්ගිරිවල්පොල |
