අසිරිමත් පොසොන් පෝදා

මෙත් කරුණාවෙන් සැම හදවත් පිබිදෙන්නේ
සිල් සුවඳින් දහම් ගුණෙන් සිත් සැනසෙන්නේ
උතුම් පොසොන් පෝ දින පුන් සඳ බබළන්නේ
මිහිඳු සමිඳු ලක්දිව වෙත වැඩම කරන්නේ

මිහින්තලා ගල මුදුනේ රැස් විහිදෙනවා
ධර්ම දූතයින් සමගින් සමිඳු වඩිනවා
දම් දෙසුමට නිසි කාලය බව වැටහෙනවා
පින්වත් කවුරු ද නුවණින් හිමි විමසනවා

මිහිඳු හිමි මේ ලෙසින් පැනයක් විමසන්නේ
තිස්ස නිරිදු ඒ පැනයට පිළිතුරු දෙන්නේ
නිරිඳු නැණවතෙකු බව හිමි වටහා ගන්නේ
දහම් අසා නිරිඳු යහ මඟ වෙත යන්නේ

කේ.ඩබ්ලිව්. නන්දනී කුමාරී වරාහේන
කැකුලන්ද, යටිපියන්ගල