සංසාර තැටිය
රාග දෝස මෝහ නම්
ගින්නෙන් නිති දැවෙනා
තැටියේ රත්වූ තැන් අතරින්
එහාට මෙහාට දුව පනිමින්
සත්වග ලොවෙහී
සොයනවා සිසිලැති තැන් තැටියේ
රත්වෙන විටදී සිසිල් වූ තැන්
එහෙට මෙහාට දුව පනිමින්
සත්වග ලොවෙහී
සොයනවා සිසිලැති තැන් තැටියේ
රත්වෙන විටදී සිසිල්වූ තැන්
එහෙට මෙහෙට දුව පනිමින්
පෙර තැනටත් යළි පනිමින්
සොයති සොයති නිති සිසිලැති තැන්
අවසානේ දී.........
තැටියේ සැමතැන් රත්වූ විටදී
දැවෙති දැවෙති උන් නිති දැවෙතී
එනමුදු ගැලවුම උදෙසා
තැටිය පූර්ණව හැරදා
යන්නට නිසි මං නොම සොයතී
උකටලි වී හෙම්බත් වී
සදාකාලිකව ම දැවෙමින්
තැටිය බදාගෙන සිටිතී
මාලබේ
කේ.ඩබ්ලිව්. සිරිසේන |
