ඉල් පෝදා වරුණ
සම්බුදු සසුනෙ අගසව් තනතුර දරමින්
නිවනට පමුණුවා ලෝසත බුදු දහමින්
සැරියුත් තෙරණුවන් පිරිනිවනට වඩිමින්
අනියත දහම පෙන්විය ඉල්සඳ දකිමින්
එක මඟ එක් කෙනකු මිස දෙදෙනකු නොයනු
මුල මැද අග කලණ දහමින් බණ දෙසනු
සවු ලෝ සතුන් බව සයුරෙන් ගොඩ දමනු
බුදු හිමි දෙසුවෙ ඉල් පෝදා බව සිතනු
තුන් බෑ ජටිලයන් නිවැරැදි මඟට ගෙන
අරහත් කිරුළ පළඳා කෙලෙසුන් නැසුණ
නොනිමෙන සදාකල් සැනසුම් සුවය දෙන
නිවනට පැමිණුවේ ඉල්මස පෝය දින
සමතිස් පෙරුම් පුරමින් සසරෙහි සරන
මෙත් බෝසතුන් සම්බුදු හිමි වෙත පැමිණ
නියත විවරණය ලැබ සතුටෙහි ගිලුණ
ඉල්මස පෝය වැදගත් මෙකරුණු තුළිණ
සිරිමහ මිහිඳු පිරිවෙන
වාද්දුව
වේලිඔය
සිරි වජිර හිමි |
