මගෙ පියතුමා
මා සැනසූ සිහිලැල්ලයි
හදමල් ගොමුවෙ සුවඳැති මල් පූදිනවා
ඔබෙ ගුණ සුවඳ ඉන් මොනවට විහිදෙනවා
හැඩි දැඩි රුවයි මුවකමලයි සිහිවෙනවා
බැති කුසුමන් පුදා පායුග නමදිනවා
ගත සවි මහන්සිය අප දිවි නංවන්ට
හිරු සඳු විලස මට ආලෝකය දෙන්ට
වෙහෙසුණ තාත්තේ මගෙ දිවි සරසන්ට
අමා නිවන්සුව පතනෙමි ලැබගන්ට
තුන් ලෝ පියාගේ පාඩම් උගනින්ට
හැකි වේ ඔබට ඉන් සසරින් ගැලවෙන්ට
ඉපිද මැරෙන ලෙඩවෙන ලෝකෙට එන්ට
ඇති මඟ මරා ඔබ නිවනින් සැනසෙන්ට
පින්බර තාත්තේ මගෙ දිවි සරුකෙරුව
ඔබ ම ය මිණිපහන නිවසම එළිකෙරුව
සුන්දර දිවිය මතකයි අප හා ගෙව්ව
වේවා නිවන් සුව ඔබහට මරු නැසුව
මොරටුවේ ආනන්ද හිමි |
