නළමාලිකා ථේරී අපදානය
 *
එක් කලෙක මම චන්ද්‍රභාගා නදී තීරයෙහි කිඳුරියක් වීමි. දිනක් නිකෙලෙස් වූ තමන්
වහන්සේ විසින් ම සත්‍ය අවබෝධ කරගත් අපරාජිත (සිද්ධාර්ථ) බුදුරජාණන් වහන්සේ
දුටුවෙමි.
*
පහන් සිතැති එහෙයින් ම සොම්නස් වූ හටගත් පී‍්‍රතිය ඇති මම ඇඳිලි බැඳ උණ මල් දමක්
ගෙන බුදුරජාණන් වහන්සේට ගෞරවයෙන් යුතුව පිදුවෙමි.
*
ඒ කළ යහපත් කර්මයෙන් ද සිතිවිලි හා ප්‍රාර්ථනා හේතුවෙන් ද, කිඳුරු සිරුර අත්හැර
තව්තිසා දෙව්ලොවට (උත්පත්ති වශයෙන්) ගියෙමි.
*
එහි තිස් හයක් දෙව්රජුන්ට (මම) මෙහෙසි තනතුර දැරුවෙමි. පසුව සක්විති රජුන් දස
දෙනෙකුට මෙහෙසි තනතුර දැරුවෙමි. (මේ ජීවිතයෙහි) මාගේ සිත සංවේගයට පමුණුවා අනගාරික
බුදුසසුනෙහි පැවිදි වීමි.
*
මෙයින් අනු හතර වන කල්පයෙහි මම යම් මල් පූජාවක් කෙළෙම් ද, ඒ පිනෙන් මම දුගතිය නො
දනිමි. මේ මල් පූජාවේ ආනිසංසය යි.
*
මා විසින් කෙලෙස් දවන ලදී. සියලු භවයෝ නසන ලදහ. සියලු ආශ්‍රවයෝ ගෙවී ගියහ. දැන් මට
නැවත උපතක් නැත.
සූත්‍ර පිටකයේ කුදුගත් සඟිය
සිංහල අපදාන පාළි - 2
|
