ලේඛන කුසලතාව වඩාත් වර්ධනය කර ගැනීම සඳහාත්, දහම් දැනුම වර්ධනය සඳහාත්, ගුණධර්ම
වැඩිදියුණු කර ගැනීම සඳහාත් සදහම් අරණ ළමා නිර්මාණ පිටුව ඔබ වෙනුවෙන් වෙන්කර ඇත.
ඔබගේ ගද්ය, පද්ය, සිතුවම්, අදහස් පුර අටවක, අමාවක, පුර පසළොස්වක, අව අටවක බුදුසරණ
පුවත්පත්හි පළ කරන්නෙමු.
****
සිල් රකිමු
අපගේ ශාස්තෘන් වහන්සේ විසින් පනවන ලද ශික්ෂාපද පිළිගෙන ඒවා ආරක්ෂා කිරීමත්, වත්
පිළිවෙත්වල යෙදීමත් සීලය යි. තැන්පත් බව, හැදියාව, වැනි වචනවලින් ද අදහස් කරන්නේ
සීලය යි. ඒ වගේම වාරිත්ර සීලය, චාරිත්ර සීලය යනුවෙන් ද කොටස් දෙකක් ඇත. වාරිත්ර
සීලය යනු අප නොකළ යුතු දේයි. චාරිත්ර සීලය යනු අප විසින් කළ යුතු දේ යි. සීලය
රැකීමෙන් අනුසස් බොහෝ වේ. ඒ අතරින් මහත් භෝග සම්පත් ලැබෙයි. පිරිසුදු කීර්තියක්
පැතිර යයි. ඕනෑම පිරිසක් මැදට නොබියව යා හැකිවෙයි.
ඩබ්.ඩබ්.එම්. ගයාන් මධුභාෂක
08 වසර,
ශ්රී ගෝතම දහම් පාසල,
රිදීමාලියද්ද
****
අශ්රැතවත්
පෘථග්ජනයාගේ බිය
එක්තරා වස්සාන කාලයක අනාථපිණ්ඩික මහ සිටුතුමා රෝගාතුර වූ අවස්ථාවක අනඳ මහතෙරුන්,
වහන්සේ අනාථපිණ්ඩික සිටුතුමාට වදාළා පින්වත, අශ්රැතවත් පෘථග්ජනයා බුද්ධ, ධම්ම, සංඝ
කියන තෙරුවන් කෙරෙහි ශ්රද්ධාව ඇතිකර ගත්තේ නැතිනම් පන්සිල් පද රකින්නේ නැතිනම්,
මරණාසන්න මොහොතේ ඒ කරුණු හතර නිසා බයට පත් වන බව. පෘථග්ජනයෝ කොටස් දෙකකි.
අශ්රැතවත් පෘථග්ජනයා, පින්, පව් හොඳ, නරක දන්නේ නැහැ. සිරිත්, විරිත් හා කළයුතු නො
කළයුතු දේ දන්නේ නැහැ. කාලය විනාශ කරමින් තුනුරුවන කෙරෙහි විශ්වාසයක් නැතිව කටයුතු
කරයි. ඒ නිසා එම පෘථග්ජනයා මරණාසන්න මොහොතේ බයට පත් වේ. දෙවන පෘථග්ජන කොටස නම්
ශ්රැතවත් පෘථග්ජනයා යි.පින් පව් දැනගෙන, සිරිත් විරිත් දැනගෙන, හොඳ නරක දැන ගෙන,
කළයුතු නොකළ යුතු දේ දැනගෙන, ධර්මානුකූලව සිල්වත්ව තුනුරුවන් කෙරෙහි විශ්වාසයෙන්
කටයුතු කරමින් ජාති, ජරා, මරණාධි, දුකින් අත මිදී ලැබිය හැකි උතුම් නිවන් අවබෝධය
පිණිස කටයුතු කරයි.
අලුත්ගම රතනවංස හිමි
ශ්රී භාරති කුසුමචේතියාරාමය,
පැණිදෙනිය,
පේරාදෙණිය.
****
ඇසුරක වෙනස
නභජෙ පාපකෙ මිත්තේ
නභජෙ පුරිසාධමේ
භජෙථ මිත්තේ කල්යාණේ
භජෙථ පුරිසුත්තමේ (ධම්මපදය)
පවිටු මිතුරු ඇසුරට නොම යන්නේ
නපුරු දුදන ඇසුරට නොම ගන්නේ
කලණ මිතුරු නිති ඇසුරු කරන්නේ
සුදන හැදින දැන ඇසුර පතන්නේ
ආර්.ටිෂා ශශ්මී
5 වසර,
ශ්රී සිද්ධාර්ථ ඤාණරතන දහම් පාසල
මල්ලෑහැව
****
දීමට හුරුවෙමු
තමන් සතු දෙයක් තම අයිතිය හැර අනුන්ට ලබා දීම දානය ලෙස හැඳින්වේ. දානය ලබා දීමට
ආකාර දෙකක් ඇත. ඒවා අනුග්රහ බුද්ධියෙන් ලබාදෙන ද්රව්ය වේ.
පුජා බුද්ධියෙන් ලබා දෙන දානය යනු අපට වඩා සිල්වත් ගුණවත් අයට පූජාවක් වශයෙන් ලබා
දීමයි. සංඝයා වහන්සේට දානය ලබා දීම, පිරිකර ලබාදීම ආදිය උදාහරණ වේ. අනුග්රහ
බුද්ධියෙන් ලබාදෙන දානය නම් යමෙකුගේ අසරණභාවය සලකා අනුග්රහයක් ලෙස ඔහුට හෝ ඇයට
දානයක් ලබාදීම නැතහොත් පරිත්යාග කිරීම වේ. දානය යනු දසපාරමිතාවක් වන අතර, ත්රිවිධ
පුණ්ය ක්රියා අතුරින් එකක් වේ. අපිත් දාන ලබා දී පින් කරගනිමු.
දෙව්මිණි තිසරනි ජයසූරිය
7 ශ්රේණිය,
කෑ/බණ්ඩාරනායක මහා විද්යාලය, කෑගල්ල
****
දානය උතුම් ය
දානය යනු දන් දීම යි. පරිත්යාගය යි. අත් හැරීම යි යි. දානය කොටස් තුනකි. අභය දානය,
ආමිස දානය හා ධර්ම දානය යි. මින් ඉතාම වැදගත් දානය වන්නේ ධර්ම දානය යි.
එම්.ඉරාශි නිම්තරා මොනරවිල
2 වසර,
පාරමී ධර්මාශ්රමය
වේරගොඩ
දංඕවිට
****
අපේ ගම
වළස්මුල්ලේ
විපස්සීතිලක හිමි
මූලික ශ්රේණිය
ශ්රී ප්රඥානන්ද මහා පිරිවෙන, මහරගම
****
අපේ පන්සල
විසල් භාෂිත
මූලික ශ්රේණිය
ප්රඥානන්ද මහ පිරිවෙන, මහරගම
සංස්කරණය - නයනා නිල්මිණි |