අසිරිමත් දාගැබ

සමන් දෙවිඳුන් බුදුරදුන්ගෙන් අයදි තම හට පුද කරන්නට
යමක් ලදහොත් වඩා යෙහෙකැයි බුහුමනින් ගරු සරු දෙවන්නට
සිරස පිරිමැද දා මිටක් කෙහෙ මුනිඳු දුන් සඳ දෙවිදු සුරතට
බුදු පහස ලැබු තැන්හි දාගැබ ඉදිවුණේ සත් රියන් ඉහළට

සරභු නම් මහ තෙරණු කෙනෙකුන් බුදුන් ගී‍්‍රවා දා නිදන් කොට
දොළොස් රියනක් උසට කරවා මහත් හරසර පැවැත්වෙන විට
චූල අභයැයි නමැති රජිඳුන් සෑය කරවා තිස් රියන් කොට
අසූ රියනක් වන ලෙසින් දුටු ගැමුණු මහ රජ කළේ මොනවට

උඩුවර දේවානන්ද හිමි