දුරුතු සඳ

එල ඹුන නව වසර සීතල දුරුතු මස
මිල කළ නොහැකි පැතුමකි අදිටනක් ලෙස
පෙළ හැර පෑ සමිඳු මගෙ ලක් පොළොව බැස
පල ලද දිනකි අසිරිය බුදු සමිඳු ඇස

පුද ලද කේශ ධාතූන් තිළිණයට ලද
අද මියු ගුණය දෙස් දෙයි ලෝකයට තෙද
නිද හස කියා පාමින් බුදු කිරණ වැද
පුද දෙමි දොහොත් පායයි අද දුරුතු සඳ

කැස්බෑවේ මුණසිංහ නිශ්ශංක

සමනොළ ගිර වරුණ

පිනි මුතු සැඟව මල් පෙති යට නිදි වරණ
පුබුදයි විටින් විට සීතල මද පවන
දෙසවන පුරයි තුන්සරණේ පද වරුණ
සරසයි සුපුන් සඳ සමනොළ ගිරි මුදුන

සිරිපද සිඹින්නට හිරු නැග එන අහසේ
තරු සැඟවුණී මී දුම් සළු යට රහසේ
දෙවිඳුන් රකින තුරු සමනොළ ගිර පණසේ
සිරිපද නැමද බැසයති බොදුදන රිසිසේ

ටී.ඇම්. පොඩිරාලහාමි
වට්ටාරාම
ඉඹුල්ගස්දෙනිය

නව වසරක උදාව

වසරක් ගෙවී නව වසරක උදාවයි
සැම සිත් තුළම සිත සතුටක් නැගේමයි
දින තුන්සිය හැට පහම සිත සතුටින් පිරෙන්නයි
බත බුලතින් සපිර අටුකොටු පිරෙන්නයි

ඉසි කෝ මාන සැමදෙන දුරු කරලා
දහමට බරව පින් සිතිවිලි පුරලා
ඇති හැකි අය නැති අයහට උදව් වෙලා
එක්වී වැඩ කරමු නව වසරේ සිනා සලා

ශීලා රණසිංහ
හලා / ප්‍රා.ස. මුන්නේශ්වරම
උපකාර්යාලය
මල්වත්ත, ඉලිප්පදෙනිය