|
තලගල සුමනරතන නා හිමියන්ගේ මෙහෙයවීම
යටතේ ශ්‍රී සිද්ධාර්ථ පදනම මගින් 2003 වසරේ සිට දුෂ්කර
පළාත්වල විහාරස්ථානවලට අවශ්‍ය භාණ්ඩ පූජා කිරීමේ ගිරිභණ්ඩ
පූජා වැඩසටහනේ 7 වන ගිරිභණ්ඩ පූජාව මහරගම නගර සභා පිටියේදී
පැවැත්විණ. 2003 වසරේ සිට 2016 දක්වා පැවැත්වු ගිරිභණ්ඩ
පූජාවලදි දුෂ්කර පන්සල් 1000 කට එක් විහාරස්ථානයකට රු.
50,000 ක් වටිනා භික්ෂු පරිහරණ භාණ්ඩ බෙදාදී ඇත. මෙරට
පැවැත්වූ ගිරිභණ්ඩ පූජාවට සිංගප්පූරුවේ පදිංචි බෞද්ධ
පිරිසක් සහ තායිලන්තයේ බෞද්ධ පිරිසක්ද ආධාර කළහ.
ආබාධිතයින් සඳහා වන ආරෝග්‍ය පදනමේ අධ්‍යක්ෂ ජනරාල් උණපානේ
අරියධම්ම හිමියන් සිද්ධාර්ථ පදනමේ අධ්‍යක්ෂ තලගල සුමනරතන
හිමියන්ට සිංගප්පූරුවේ බෞද්ධයින් පරිත්‍යාග කළ ආධාර
භාරදුන් අවස්ථාව
මහරගම විශේෂ වාර්තාකරු –වේහැල්ලේ පියතිලක |
