උඩරට අමරපුර නිකායේ උපසම්පදා පූජෝත්සවය 15, 16 දිනවලදී

කේ. බණ්ඩාරනායක

උඩරට අමරපුර නිකායේ මධ්‍යම පළාත හා තදනුබද්ධ ප්‍රාදේශීය ශාසන ඡ්‍යොතික කාරක සංඝ සභාවේ වාර්ෂික උපසම්පදා විනයකර්මය ජූලි මස 15, 16 දිනයන්හී උඩරට අමරපුර නිකායේ වැඩබලන මහානායක ප්‍රවචන කීර්ති ශ්‍රී ධර්ම ශාස්ත්‍රශුරී ශාසනවංශාලංකාර සද්ධර්ම භාෂණ ශාස්ත්‍රපති, රාජකීය පණ්ඩිත මහෝපාධ්‍යය නුවරඑළියේ චන්දජෝති නාහිමියන්ගේ අනුශාසනා පරිදි උඩරට අමරපුර නිකායේ මධ්‍යම පළාත තදනුබද්ධ ප්‍රාදේශීය ශාසන ඡ්‍යොතික කාරක සංඝ සභාවේ අනුනායක සාහිත්‍යාචාර්ය රාජකීය පණ්ඩිත අත්තරගම වජිරජෝති නාහිමියන්ගේ ප්‍රධානත්වයෙන් හල්ලොලුවාතොට මහවැලි නදී හත්කිද සිරිමහ බෝධි උදකුක්චිප සීමාමාලකයේදී සිදුකෙරේ.

මෙදින සවස 2.00 ට අභිනවයෙන් පත් කරන ලද ප්‍රාදේශීය සංඝනායක හිමිවරුන්ට ශ්‍රී සන්නස් පත්‍ර ප්‍රදානය කිරීම අත්තරගම වජිරජෝති අනුනා හිමි අතින් සිදුකෙරේ.