ලුම්බිණි ආදි ශිෂ්‍ය නායකයන්ගේ සංගමයෙන් තිස්සමහාරාම රජමහා විහාරයේ දී දෙදිනක් පින්කම්

කොළඹ 05 ලුම්බිණි විද්‍යාලයීය ආදි ශිෂ්‍ය සංගමයේ සහභාගිත්වයෙන් සංවිධානය කරනු ලබන තිස්සමහාරාම රජ මහා විහාරය දීපාලෝකනය හා පිංකම් මාලාව දින 02 ක් පුරා පැවැත්වීමට නියමිතව ඇත.

එම පින්කම් මාලාවට තිස්සමහාරාම චෛත්‍ය රාජායාණන් වහස්සේ හුණු පිරියම් කොට දීපාලෝකනය කිරීම, කප්රුක් පූජාව, දීපාලෝකන පූජාව, මහා බත් දන්සල, මහා පිරිත් සජ්ඣායනය, කිරිපිඩු පූජාව, ඇසළ පුන් පොහෝ දින සීල සමාදානය හා ගරුතර මහා සංඝ රත්නය උදෙසා පිරිනැමෙන සංඝ ගත දක්ෂිණාව ඇතුළත් වේ.

එම උතුම් සද්කාර්යය කැළුම් සුජිත් මහතා ප්‍රමුඛ ලුම්බිණි විද්‍යාලයීය ආදි ශිෂ්‍ය නායකයන්ගේ සංගමයේ සහභාගීත්වයෙන් සිදුවන බව එම සංගමයේ සභාපති අරුණ කුමාරසිංහ මහතා සඳහන් කරයි.