|
නව රජය බලයට පත්වීමෙන් පසු අගමැති
රනිල් වික්‍රමසිංහ මහතා මුල්වරට දින තුනක යාපනයේ නිල
සංචාරයක නිරත විය. එම සංචාරයේ දී සාමාන්‍ය ජනතාව,
දේශපාලනඥයන් හමුවීම පමණක් නොව උතුරේ ජනතාවගේ ගැටලු රාශියක්
විසඳීම සම්බන්ධයෙන් අවධානය යොමු කිරීම වැදගත් විය. එම
ජනතාවගේ අධ්‍යාපනික, සෞඛ්‍යය ඇතුළු සියලුම ගැටලු පිළිබඳ
සාකච්ඡා කර කඩිනම් විසඳුම් ලබාදීමට අවශ්‍ය මූලික පියවර
ගැනීම ජනතාවගේ සතුටට හේතු විය. අගමැති රනිල් වික්‍රමසිංහ
මහතා සියලු ආගමික ප්‍රධානීන් ඒ ඒ ආගමික ස්ථානවලට ගොස්
හමුවීමද වැදගත් සිදුවීමක් වන අතර යාපනය නාග විහාරයේ දී
අගමැතිතුමන් වෙත මහ සඟරුවන ආශිර්වාද කරන ලදී. |
