Print this Article


කොළඹ දිස්ත්‍රික්කයේ විහාරස්ථ දුරකථන නාමාවලිය

කොළඹ දිස්ත්‍රික්කයේ විහාරස්ථ දුරකථන නාමාවලිය

කොළඹ දිස්ත්‍රික්කයේ විහාරස්ථාන දුරකථන නාමාවලියේ 2013 වසර සංස්කරණය නිකුත් වෙයි. උරුමයක උල්පත පදනම සිව්වන වරට සංස්කරණය කරන ලද මෙම නාමාවලියෙහි කොළඹ දිස්ත්‍රික්කයේ ප්‍රාදේශීය ලේකම් කාර්යාල දහතුනක පිහිටා ඇති විහාරස්ථානවල තොරතුරු ඇතුළත්ය.

මෙවර සංස්කරණයේ කවරයට තපස්සු භල්ලුක වෙළෙඳ දෙබෑයන් බුදුරජාණන් වහන්සේට දානය පිරිනැමීම, කේශ ධාතු පිළිගැනීම සහ බුදුරජාණන් වහන්සේ හමුවට පැමිණි සක්දෙවු රජ දැක්වෙන හිඳගල ලෙන් විහාරයේ චිත්‍ර පිටපතක් ඇතුළත්ව තිබේ. හත් වැනි සියවසට අයත් යැයි සැලකෙන මෙම මුල් සිතුවම ඇතුළු හිඳගල ලෙන් විහාරයේ සිතුවම් ලැව් ගින්නකින් විනාශ වී ඇති අතර එයට කලින් 1966 වසරේ දී පුරා විද්‍යා අධිකාරියේ සැලසුම් ශිල්පී ඩබ්. එම්. ප්‍රනාන්දු පිටපත් කරන ලද එකම චිත්‍ර පිටපතක් කොළඹ කෞතුකාගාරයේ සංරක්ෂණය වෙයි. එය දෙස් විදෙස් විශේෂ අවධානයට ලක්විය යුතු බැවින් කෘතියේ කවරයට යොදාගෙන ඇත.

නොමිලේ නිකුත් කරන කොළඹ දිස්ත්‍රික්කයේ විහාරස්ථාන දුරකථන නාමාවලිය සම්බන්ධව උරුමයක උල්පත පදනමේ ලේකම් ආර්. ඒ. ඩී. සිරිසේන මහතාගෙන් 0777 735556 දුරකථනය ඔස්සේ විමසිය හැකිය.