සුමංගල නා හිමියන්ට සන්නස් පත්‍ර ප්‍රදානය 15 දා මල්වතු මහා විහාරයේ දී
කේ. බණ්ඩාරනායක
මහනුවර මල්වතු මහා විහාර පාර්ශ්වයේ මහානායක තිබ්බටුවාවේ ශ්‍රී
සිද්ධාර්ථ සුමංගල මහ නාහිමියන් විසින් විචිත්‍රභාණි ධර්මරක්ෂිත සරණපාල
යන ගෞරව නාම සම්මුතිය සහිත යටිනුවර උප ප්‍රධාන අධිකරණ සංඝනායක පදවිය
ඓතිහාසික ගන්නෝරුව රජ මහා විහාරය සහ ගන්නෝරුව උඩබෝමළුව පුරාණ විහාරය යන
උභය විහාරාධිපති මල්වතු මහා විහාරයීය විශේෂ කථිකාචාර්ය අඹන්පොල සුමංගල
හිමියන් වෙත පිරිනමා ඇත. ඒ පිළිබඳ ශ්‍රී සන්නස් පත්‍ර ප්‍රදානය කිරීමේ
උත්සවය මැයි 15 වනදා සවස 3.00 ට මල්වතු මහා විහාරයීය ඓතිහාසික මංගල
උපෝෂථාගාරයේදී පැවැත්වේ.
මල්වතු මහා විහාර පාර්ශ්වයේ මහානායක තිබ්බටුවාවේ ශ්‍රී සිද්ධාර්ථ
සුමංගල මහ නාහිමියන් ප්‍රධාන අනුනාහිමිවරුන් වෙතින් ශ්‍රී සන්නස්
පත්‍රය කාරක මහා සංඝ සභාවේ ආසිරිවාදය මධ්‍යයේ ලබාගන්නා අඹන්පොල සුමංගල
නාහිමියන් පිළිගැනීම නිමිත්තෙන් උත්සවයක් මැයි 16 දින සවස 3.00 ට
ගන්නෝරුව රජ මහා විහාරයේදී මල්වතු පාර්ශ්වයේ අනුනා හිමිවරුන්ගේ
ප්‍රධානත්වයෙන් පැවැත්වේ. අග්‍රාමාත්‍ය දි.මු.ජයරත්න මහතා ප්‍රධාන
මධ්‍යම ප්‍රදේශයේ මැති ඇමැතිවරුන් රැසක් එම උත්සවයට සම්භාවනීය අමුත්තන්
ලෙස සහභාගිවීමට නියමිතය.
මැයි 16 වනදා අභිනව නාහිමියන් සවස 1.00 පේරාදෙණිය ගැටඹේ දිය කපනා තොට
ශ්‍රී රක්ඛංග විහාරය අසලදී පිළිගෙන පෙරහරෙන් ගන්නෝරුව රජ මහා විහාරය
වෙත වැඩමවාගෙන යනු ඇත.
|
