කැකණදුරේ ශ්‍රී පේමානන්ද නාහිමි
තෙමස් සමරුවට පින්කම්
අහංගම නාපිරිත්තාගොඩ ජයමහ විහාරය, නුගේගොඩ කන්දවත්තේ ශ්‍රී
විජයවර්ධනාරාමය, බත්තරමුල්ල කොරාබේ ශ්‍රී විජය සුමනාරාමය, මාදිවෙල
කේතුමතී විහාරය යන සිව්මහා විහාරයන්හි අධිපතිව වැඩ සිට අපවත්වී වදාළ
වැලිගම කෝරළය ඇතුළු ගාලු පළාතේ ප්‍රධාන සංඝනායක කැකණදුරේ ශ්‍රී
පේමානන්ද ස්වාමින්ද්‍රයන් වහන්සේ අපවත් වී ජූලි 2 වනදාට තෙමසක් සපිරේ.
ඒ නිමිත්තෙන් උන්වහන්සේගේ ගුණ සමරා බත්තරමුල්ල කොරාබේ ශ්‍රී විජය
සුමනාරාමයේ දී ජූලි (2) දින සිට (5) වන දින දක්වා පින්කම් මාලාවක්
පැවැත්වීමට වර්තමාන සිව් මහා විහාරයන්හි අධිපතීත්වය දරන ශාස්ත්‍රවේදී
වල්ගම සෝමාලෝක මහා ස්වාමින්ද්‍රයන් වහන්සේ සහ ශිෂ්‍ය ස්වාමීන් වහන්සේලා
දායක දායිකාවන් කටයුතු සංවිධානය කර ඇත.
ජූලි 2 වන දින රාත්‍රි 7.30 ට ධර්මදේශනාව ගල්කිස්ස ශ්‍රී
ධර්මපාලාරාමාධිපති අමරපුර මහා සංඝසභාවේ සභාපති අග්ගමහා පණ්ඩිත කොටුගොඩ
ධම්මාවාස අනු නාහිමියන් විසින්ද ජූලි 3 වන දින රාත්‍රි 7.30 ට
ධර්මදේශනාව කෝට්ටේ නාග විහාරාධිපති මාදොළුවාවේ සෝභිත හිමියන් විසින්ද
ජූලි 4 වන දින සර්වරාත්‍රික පරිත්‍රාණ ධර්මදේශනාවද ජූලි 5 වන දින දවල්
අර්ධ ශතාධික මහා සංඝගත දක්ෂිණාව පැවැත්වේ. |
