Print this Article


බුදුසරණ අන්තර්ජාල කලාපය

කවි සංකල්පනා

****

මා යන්න සූදානම්

ජීවිත උයනේ සිට ...

ආපසු බැලීමි

වෙන්වීම

එදා සිනමාසල තිබුණු බිම ...

එදා සිනමාසලෙක නටබුන්
මදින් මද මතුවන බිමෙකි ඒ
ශෘංගාර හාස්‍යාදි නව රස
විසුළ තැන අද නිවුණු අරණෙකි

පැතිරි මඳ අඳුරට මුසුව ගිය
අනෙක අනුරා රැඟුම් ඇර පෑ
එ බිම අද වනපස කුසුම් රැස
මැලැවෙමිනි දෙන ඉඟිය විමසමි

නො එක නළු නිළි කැලන් මතු වී
සියලු රුපුනො’ද බිඳැර වැළැඳූ
දිවි පලය මියුරු දැයි විමසන
දාගැඹුරු ම හුදෙකලාවෙකි එහි

හිරු එළිය, වැසි පිනි ද පවන ද
උරා බී සඳකැනෙහි සිහිල ද
රිසි විලස නෙදිසා බලා නැ¼ගි
නිලන අතුපතරෙහි ශාන්තිය
වොරැඳී සිනමාගාරයෙකි එහි!

****

හොර ගසේ පාඩම

අර බලන් පිය බද
කීන දොඹ නා තුරු මැද
බ ැදි උඩු වියන් නුබ ගැබ
තුංග හොර ගස් පෙළ

උපද්දා නව බිජුවට
ලබා දී අත්තටු
වනඳුරෙන් මිදෙන්නට
උගන්වා දරු පරපුරට

පාව ගොස් උඩු සුළගේ
අලුත් බිම් කඩක
රෝපණය වන්නට
ලබා දී ඇති නිදහස

****

දුම්

****

ධන කුවේරයකුට

මහලින්
මහල
ඉදි කරයි
ඔබ
නිවස

පහත මාලයටත්
යට
කොතැනක හෝ
ඇති
ඔබට
හිමි
සිවු රියන


© 2000 - 2007 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.