Print this Article


බුදුසරණ අන්තර්ජාල කලාපය

ජය ශ්‍රී මහා බෝ සමිඳු අබියස පෝ දා දවස පුරා පින්කම්

ජය ශ්‍රී මහා බෝධීන් වහන්සේ අනුරාධපුර ඓතිහාසික මහමෙවුනා උයනේ රෝපණය කර 2315 වසරක් සපිරෙන මෙම උඳුවප් පුර පසළොස්වක පෝදා ජය ශ්‍රී මහා බෝධීන් වහන්සේ අබියසදී දවස පුරා විශේෂ පින්කම් රැසක් සිදු කෙරේ. අටමස්ථානාධිපති උතුරු මධ්‍යම දෙදිසාවේ ප්‍රධාන සංඝනායක පල්ලේගම සිරිනිවාස නාහිමියන්ගේ අනුශාසනා පරිදි එම පින්කම් මාලාව සිදු කැරේ.

23 වනදා අළුයම 3 ට ජය ශ්‍රී මහා බෝධීන් වහන්සේ අබියස දී යල් කන්නයේ අළුත් සහලින් කිරි ඉතිරවීමටද 4.30 ට කිරි ආහාර පාත්‍ර 2315 ක පූජාව හා සිල් පෙරහරද පැවැත්වේ. පෙරවරු 5 ට කුඩා ඇලගමුවේ ඤාණසිරි හිමියන්ගේ මෙහෙයවීමෙන් ජය ශ්‍රී මහා බෝධීන් වහන්සේ උදෙසා කිරි ආහාර පූජා අටපිරිකර චීවර හා රන්වැට කප්රුක් පූජාද,ඇතුළු සීල සමාදානය සිදු කැරේ. පෙරවරු 8 - 9 දක්වා දහම් දෙසුම අනුරාධපුර භික්‍ෂු විශ්ව විද්‍යාලයේ මහෝපාධ්‍යාය තුඹුල්ලේ ශ්‍රී සීලක්ඛන්ධ නාහිමියන් විසිනි. 9.15 - 10.15 ධර්ම සාකච්ඡාව මෙහෙයවීම රුවන්වැලි චෛත්‍යරාමාධිපති පල්ලේගම හේමරතන නාහිමියන් විසිනි. ඇස් දන්දීමේ පොරොන්දු පත්‍ර අත්සන් කිරීමේ පින්කම මෙහෙයවීම රැළපනාවේ ධම්මජෝති නාහිමියන් සහ හල්මිල්ලෑවේ රතනපාල හිමියන් විසිනි. 10.30 බුද්ධ පූජාව මෙහෙයවීම තලාවේ ඤාණරතන හිමියන් විසිනි.

4 - 5 දම් දෙසුම ශ්‍රී බුද්ධ ජයන්ති විහාරාධිපති නුගේතැන්නේ පඤ්ඤානන්ද නා හිමියන් විසිනි. පස්වරු 6.30 රාවාඇල පියතිස්ස හිමියන් මෙහෙයවන බෝධිපූජාව සිදු කැරේ. රාත්‍රී 9.25 ට සර්වරාත්‍රික පරිත්‍රාණ ධර්ම දේශනාව ආරම්භ කැරේ. පසුදා හීල් දානය මහ සඟරුවන වෙත පිරිනැමේ.

මේ අතර නාවලපිටිය ශ්‍රී ලංකා සත්‍යාලෝත පුණ්‍යායතනය මෙහෙයවීමෙන් දින කීපයක් පුරා පින්කම් රැසක්ද සිදු කැරේ.


© 2000 - 2007 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම
සියළුම හිමිකම් ඇවිරිණි.