වැලිගම ඤාණරතන මහ නා හිමියන්ගේ

ජන්ම සමරුවට පින්කම් රැසක්

රත්මලාන මල්ලිකාරාමාධිපති රාජකීය පණ්ඩිත විනය විශාරද ධර්ම කීර්ති ශ්‍රී වැලිගම ඤාණරතන මහනාහිමිපාණන් වහන්සේට ඔක්තෝබර් මස 14 වන දින යෙදෙන 95 වන ජන්ම දිනය නිමිත්තෙන් විශේෂ පින්කම් මාලාවක් රත්මලාන මල්ලිකාරාම යේදී පැවැත්වේ. ඔක්තෝබර් මස 7 වන දින එම පින්කම් මාලාව ආරම්භ කරන අතර එදින ලේ දන් දීමේ පින්කමක් ද, සවස මහරගම පිළිකා රෝහලේ රෝගීන් වෙනුවෙන් තේ පැන් සංග්‍රහයක් ද, 12 වන දින තෙසැත්තෑ ඤාණ පූජාවක්ද , 13 වන දින රණවිරුවන් සඳහා කෘතී‍්‍රම පාද ප්‍රදානයක් හා රාතී‍්‍ර සර්ව රාත්‍රික පරිත්‍රාන ධර්ම දේශනාවක්ද, පසුදින (14 වන දින) දවල් ශතාධික මහා සංඝරත්නය විෂයෙහි සංඝගත දක්ෂිණාවක්ද, එම පින්කම් මාලාවට සමගාමීව ඇස් කණ්ණාඩි බෙදාදීමක් හා සමාධි බුද්ධ ප්‍රතිමාව විවෘත කිරීමද ඇතුළු පින්කම් රැසක් දායක කාරකාදීන් විසින් සංවිධානය කර ඇත.