කෝට්ටේ රජ මහා විහාරයේ පෙරහර
කෝට්ටේ මධ්‍යම සමූහ
නන්ද. ඒකනායක
ඓතිහාසික ශ්‍රී ජයවර්ධපුර කෝට්ටේ රජමහා විහාරය මගින් පවත්වන ශ්‍රී දළදා
මහ පෙරහර 15 වැනිදා (සෙනසුරාදා) පැවැත්වේ.
පසුගිය 3 වැනි දින රාතී‍්‍ර පැවැති පරිත‍්‍රාණ ධර්ම දේශණාවකින් එම
පෙරහර උත්සවය ආරම්භ වූ අතර 5 වැනි දින යෙදුන සුබ මොහොතින් කප් සිටුවනු
ලැබීය.
පළමු තේවාව 6 වැනි සිකුරාදා ඇරඹීමෙන් පසු 7 වැනි දින දක්වා පැවැත්විනි.
සෙනසුරාදා කුඹල් පෙරහරද 9 වැනි ඉරිදා සිට 11 වැනි දින දක්වා මල් පෙරහර
ද පැවැත්වේ.
පාවඩ පෙරහර 12 වැනි දින රාති‍්‍ර ආරම්භ වේ.
වීදි පෙරහර 13 වැනි දින රාති‍්‍ර පැවැත්වෙන අතර 14 වැනි දින රාති‍්‍ර
රන්දෝලි පෙරහර පැවැත්වීමට නියමිතයි.
15 වැනි දින රාති‍්‍ර පැවැත්වෙන අවසාන දළදා මහා පෙරහරට සතර දේවාලයන්හි
පෙරහරද සම්බන්ධවන බව කෝට්ටේ රජ මහා විහාරාධිපති අළුත්නුවර අනුරුද්ධ නා
හිමියෝ පැවසූහ. උඩ, පහත දෙරට හා සබරගමු සම්ප‍්‍රදායන් ඇතුලත්
සංස්කෘතිකාංගද සමග සියලුම පෙරහර අංගයන්ද 50 කට ආසන්න අලි ඇතුන් රැසක්ද
මෙවර පෙරහර ට සහභාගි වේ.
දියකැපීමේ පෙරහර 16 වැනි දින උදේ පිටත්වෙන අතර, දෙවියන් උදෙසා වූ
දේවදානය පිලිගැන්වීම ඇතුල් කෝට්ටේ සිරි පැරකුම්බා පිරිවෙන් විහාරස්ථ
දායක සභාව ඇතුළු ගම්වාසීන්ගේ සහභාගිත්වයෙන් සිදුවේ. |
